КАЛЬЦИЙ ИЧИШ НЕГА ҲАВФЛИ? Кальцийга Бой Табиий ва Фойдали Маҳсулотлар

Share

Инсон организмидаги кальцийнинг 99% миқдори тиш ва суякларимизда сақланади.

Организм кальцийни доимий равишда ишлатади

Инсон организми мускул фаолияти каби муҳим ҳаётий жараёнлар учун доимий равишда кальций ва фосфордан фойдаланади. Агар бу моддалар қонда етарли миқдорда бўлмаса, организм кальцийни суяк ва тишларимиздан олиб ишлатади. Шунинг учун ҳам диетамиз кальций ва витамин Д га бой бўлиши жуда муҳим.

Организм кальцийни доимий равишда ишлатади. Агар диетамизда кальций етарли бўлмаса, суякларимиздаги кальций қонга юборилади ва керакли ҳаётий функциялар учун сарфланади. Бу жараён қайта қайта такрорланаверса, остеопороз юзага келади, яъни суяк ва тишлар мўртлашади.

Доимий равишда кальцийга бой озуқалар истеъмол қилсак, қонимиздаги кальций миқдори ҳам етарли миқдорда бўлади. Бу эса ортиқча кальцийнинг суякларимизга заҳира сифатида юборилишига ва суяк-тишларимизнинг мўртлашишининг олдини олишга ёрдам беради. Бироқ…

Кальций учун аптекага югуришга шошилманг!

Кальций саломатлигимиз учун муҳим минераллардан экани шубҳасиздир, лекин кальций учун аптекага югуришга шошилманг! Кальций организмимиз томонидан тўғри ўзлашиши учун бизга яна витамин Д, витамин К2, Магний, Борон, Цинк (Рух), Мис ва Марганец каби кофакторлар зарур бўлади! 

Агар кальцийнинг ўзи кофакторларсиз истеъмол қилинса, кальций яхши ўзлашмайди ва суякларга эмас қон томирлари деворларига жойлашади! Бу эса қон томирларининг эластиклигининг камайишига, қон айланишининг бузилишига, юрак касалликларига, буйрак тошлари пайдо бўлишига олиб келиши мумкин.

Шундай экан, кальцийнинг ўзини ичишга шошилманг! Кальций якка ҳолда, яъни кофакторларсиз истеъмол қилинса яхши ўзлашмайди! Яхши ўзлашмаган кальций эса ҳавфлидир!

Кальцийга Бой Табиий ва Фойдали Маҳсулотлар

Кальций учун кальций порошоклари ёки кальций препаратлари эмас, кальцийга бой табиий маҳсулотлар истеъмол қилиш фойдалироқдир. Табиий маҳсулотлардаги кальций яхшироқ ўзлашади.

Кальций деганда кўпчиликнинг ҳаёлига биринчи бўлиб сут келади. Афсуски ёғсизлантирилган ва пастеризация қилинган сутдаги кальций яхши ўзлашмайди.

Кальцийга бўлган кундалик ўртача эҳтиёжимиз 500-1200мг ни ташкил қилади.

Кальцийга энг бой табиий маҳсулотларга қуйидагилар киради:

  • Қуритилган Райҳон (100 гр да 2110 mg кальций; 1 ош қошиқ (2 гр)да 42 mg кальций);
  • Қуритилган Жамбул – Тимьян (100 гр да 1890 mg кальций; 1 ош қошиқ (2.7 гр)да 51 mg);
  • Қуритилган Укроп (100 гр да 1780 mg кальций; 1 ош қошиқ(3.1 гр)да 55 mg);
  • Қуритилган Орегано (100 гр да 1580 mg кальций; 1 ош қошиқ (5.4 гр)да 85 mg);
  • Мак уруғлари (100 гр уруғда 1438 mg кальций);
  • Пармезан пишлоғи (100 гр да 1250 mg кальций);
  • Пишлоқ (100 гр да 526-1071 mg кальций, пишлоқ турига қараб);
  • Кунжут уруғлари (100 гр уруғда 975 mg кальций);
  • Чиа уруғлари (100 гр уруғда 631 mg кальций);
  • Таҳини – кунжут уруғидан тайёрланган паста (100 гр таҳинида 426 mg кальций);
  • Сардина балиғи ёғли консерваси (100 гр да 382 mg кальций);
  • Сигир ва эчки сути (100 мл да 300 mg кальций);
  • Йогурт ёки Сузма (100 гр да 285-448 mg кальций);
  • Бодом (100 гр бодомда 264 mg кальций);
  • Қизил балиқ (лосось) суякли консерваси (100 гр да 239 mg кальций);
  • Шолғом барглари (100 гр да 188 mg кальций);
  • Қуритилган анжир (100 гр да 162 mg кальций);
  • Горчица (хантал) барглари (100 гр да 118 mg кальций);
  • Бок чой карами (100 гр да 93 mg кальций);
  • Творог (100 гр да 88 mg кальций);
  • Жигарли паштет (100 гр да 70 mg кальций);
  • Оқ ловия (100 гр да 69 mg кальций);
  • Сули ёрмаси – овсянка (100 гр да 58 mg кальций);
  • Тухум (100 гр да 56 mg кальций);
  • Брокколи (100 гр да 47mg кальций);
  • Киноа донлари (100 гр да 47 mg кальций);
  • Апельсин (100 гр да 43 mg кальций);

Facebooktwitterredditpinterestlinkedinmail

Leave a Reply

Your email address will not be published. Required fields are marked *